Gürcüstan parlamentində Azərbaycanla dostluq qrupu yaradıldı

Gürcüstan parlamentində “Dostluq qrupları” haqqında qərar qəbul olunub.

“Report”un yerli bürosu xəbər verir ki, 77 deputat sənədin lehinə səs verib.

Qərara əsasən, 36 deputatdan ibarət Azərbaycanla dostluq qrupuna vitse-spiker Kaxaber Kuçava rəhbərlik edəcək.

Dostluq qrupunda qanunverici orqanın iki – Xarici əlaqələr və Regional siyasət komitələrinin sədrləri Nikoloz Samxaradze və Sozar Subari də təmsil olunub.

Qrupda yalnız bir müxalif deputat yer alıb. O, Vətəndaşlar Partiyasının sədri Aleksandre Elisaşvilidir.

Rəylər