Bu gün Bizon Azərbaycan Kubokunda yarımfinal mərhələsinin növbəti cavab oyunu keçiriləcək.
Moderator.az xəbər verir ki, növbəti finalçının adına “Sabah” – “Qarabağ” qarşılaşmasında aydınlıq gələcək.
“Bank Respublika Arena”da baş tutacaq oyun saat 20:00-da start götürəcək. Komandalar arasında keçirilən ilk görüş 2:2 hesablı heç-heçə ilə başa çatıb.
Azərbaycan Kuboku
Yarımfinal, cavab oyunları
22 aprel
20:00. “Sabah” – “Qarabağ”
(ilk oyun - 2:2)
Hakimlər: Rəvan Həmzəzadə, Cəmil Quliyev, Şirməmməd Məmmədov, Kamal Umudlu.
VAR: Kamranbəy Rəhimov.
AVAR: Rəhman İmami.
Hakim-inspektor: Rəhim Həsənov.
AFFA nümayəndəsi: Eldəniz Musayev.
“Bank Respublika Arena”.
Qeyd edək ki, yarımfinalın digər cütündə “Zirə” ilk oyunda qazandığı 2:0 hesablı qələbə sayəsində “Turan Tovuz”u üstələyərək finala yüksəlib.
