Ultra-ortodoks yəhudi etirazçılar İsrailin yaranmasının 78-ci ildönümü münasibətilə aprelin 22-də Qərbi Qüdsün Mea Şearim məhəlləsində İsrail bayraqlarını yandırıb və anti-sionist pankartlar qaldırıblar.
Moderator.az xəbər verir ki, bu haqda "Əl-Cəzirə" kanalı məlumat yayıb.
Xatırladaq ki, Müstəqillik Günü İsrailin əsas dövlət bayramıdır.
Müstəqil yəhudi dövləti BMT-nin Fələstinin bölünməsinə dair planına müvafiq olaraq 1948-ci ildə elan edilmişdir.
Dünən - aprelin 22-də Azərbaycan Xarici İşlər Nazirliyi (XİN) İsrailinin Müstəqillik Gününü təbrik edib.
Bu barədə nazirliyin “X” sosial media hesabında post paylaşılıb.
“İsrailin 78-ci Müstəqillik Günü münasibətilə İsrail hökumətini və xalqını səmimi qəlbdən təbrik edirik. Müstəqillik Günün mübarək olsun, İsrail!” – paylaşımda qeyd olunub.
S.Laçın
