UEFA Avropa Liqasında mövsümün qalibi müəyyənləşib.
Moderator.az xəbər verir ki, final matçında “Aston Villa” ilə “Frayburq” üz-üzə gəlib.
Həlledici qarşılaşmada İngiltərə təmsilçisi rəqibini İstanbulda 3:0 hesabı ilə məğlub edib. Bununla da “Aston Villa” Avropa Liqasının qalibi adını qazanıb.
“Aston Villa”ya kuboku gətirən qolları 41-ci dəqiqədə Yuri Tilemans, 45-ci dəqiqədə Emiliano Buendia və 58-ci dəqiqədə Morqan Rocers vurublar.
“Frayburq” isə finala qədər irəliləsə də, həlledici oyunda İngiltərə klubuna uduzaraq turniri ikinci pillədə başa vurub.
Beləliklə, "Aston Villa" 30 ildən sonra ilk dəfə kubok qazanıb.
