Superağır çəkidə dünya boks çempionu Aleksandr Usik Ağ Evdə ABŞ Prezidenti Donald Trampla görüşüb.
Moderator.az xəbər verir ki, bu barədə jurnalist Marqo Martin "X" sosial şəbəkəsində məlumat yayıb.
Mart ayında Usik Ukrayna prezidentliyinə namizədliyini irəli sürmək niyyətində olduğunu bildirmişdi. O, daha bir neçə il boksla məşğul olacağını, bundan sonra isə "dövlət üçün çalışacağını" açıqlamışdı.
Keçən ay Usik niderlandlı döyüşçü Riko Verxoveni məğlub edib. On raundun yekununa görə, hakim qeydlərinə əsasən, Usik xal hesabında uduzurdu. Döyüş 11-ci raundda başa çatıb: nokautdan əvvəl Usik Verxoveni nokdauna salıb, hakim isə qonq səsi ilə eyni vaxtda döyüşü dayandırıb.
Bu qələbə sayəsində Usik Ümumdünya Boks Şurasının (WBC) dünya çempionu titulunu qoruyub. Usik karyerasında 25-ci döyüşünü qazanıb və məğlubedilməz olaraq qalır.
(publika)
