Yeni elmi tədqiqatlar bəzi gündəlik vərdişlərin sağlamlığa təsiri ilə bağlı maraqlı nəticələr ortaya qoyub.
 




Araşdırmalara görə, soğana genetik olaraq daha çox üstünlük verən insanlarda 2-ci tip diabet və yüksək təzyiq riskinin daha aşağı olduğu müəyyən edilib. Alimlər bunu OR2T6 adlı qoxu reseptoru geni ilə əlaqələndirirlər.
 
Digər bir tədqiqat isə göstərib ki, şəkərli saqqız bəzi tərəvəzlərdən (məsələn, çuğundur və ispanaq) alınan nitratların orqanizmdə daha effektiv işləməsinə və qan təzyiqinin daha çox aşağı düşməsinə kömək edə bilər.
 
Bununla yanaşı, gündüz 30 dəqiqədən uzun yuxunun, xüsusilə 2-ci tip diabeti olan şəxslərdə qaraciyər piylənməsi riskini artıra biləcəyi bildirilib.
 
Alimlər həmçinin qeyd ediblər ki, stres zamanı ev heyvanları ilə ünsiyyət hər zaman gözlənilən rahatlığı verməyə bilər və bəzi hallarda əks təsir yarada bilər.
 
Mütəxəssislər bu nəticələrin müşahidə xarakterli olduğunu və daha geniş araşdırmalara ehtiyac olduğunu vurğulayırlar.