Moderator.az xəbər verir ki, bunu səhər saatlarında İsrailin məşhur "The Jerusalem Post" nəşri yazıb.
Tramp ABŞ-İran Anlaşma Memorandumunun Tehranın "qeyd-şərtsiz təslim olması" kimi qiymətləndirilməsində israr edir. Rəsmi qəzetə açıqlamasında bildirib ki, İsrail danışıqlara rəğmən Cənubi Livandan qoşunlarını çıxarmayacaq.
Bununla belə qeyd edilir ki, İsrail ordusu "Hizbullah"ın ələ keçirdiyi yeraltı kompleksinin nəzarətini Livan ordusuna təhvil verməyi düşünür.
"N12" nəşrinin yazdığına görə, İsrail hesab edir ki, məsuliyyətin Livan ordusuna ötürülməsi onun "Hizbullah"a qarşı hərəkət etmək qabiliyyətini və istəyini sınağa çəkə bilər.
Eyni nəşrin bazar günü məsələ ilə tanış mənbələrə istinadən verdiyi məlumata görə, təhlükəsizlik rəsmiləri Livan ordusunun cənubundakı Tebnit kəndində "Hizbullah" tunel kompleksini nəzarətə götürməsinə icazə verməyi düşünürlər .
Mənbələrə görə, bu fikir son günlərdə siyasi və hərbi müzakirələrdə qaldırılıb və çərşənbə axşamı keçiriləcək qarşıdan gələn danışıqlarda müzakirə olunmağa davam edə bilər.
İsrail mənbəsi bildirib ki, "Bu, Livan ordusunun "Hizbullah"la açıq və misli görünməmiş şəkildə davranmaq qabiliyyəti və motivasiyası üçün bir sınaq ola bilər".
S.Laçın
