Fransa parlamenti Karib dənizindəki Sen-Marten (Sint-Marten) adasının iki ölkə arasında bölünməsindən təxminən 400 il sonra ilk dəfə olaraq sərhədi hüquqi cəhətdən təsbit edən sazişi Niderlandla ratifikasiya edib.
Moderator.az xəbər verir ki, sənəd Fransa və Niderland arasında adanın bölünməsinə dair 1648-ci ildə bağlanmış sazişə baxmayaraq, XVII əsrdən yalnız faktiki olaraq mövcud olan sərhəd xəttini təsbit edir.
Saziş, həmçinin Niderland tərəfindən də ratifikasiya edilməlidir, bundan sonra isə o qüvvəyə minəcək.
Müqavilə bir neçə il davam edən danışıqlardan sonra, 2023-cü ilin may ayında tərəflər arasında imzalanıb. O, ilk dəfə olaraq Fransanın dənizaşırı icması olan Sen-Martenlə Niderlandın tərkibindəki muxtar ölkə olan Sint-Marten arasında quru sərhədinin dəqiq keçdiyi yeri müəyyən edir.
Buna paralel olaraq, Fransa və Niderland Krallığı təhlükəsizlik sahəsində praktiki əməkdaşlığı genişləndirməyə davam edir.
