Ermənistanın sabiq prezidenti, Xocalı və 1 Mart canisi Robert Köçəryanın ölkənin baş naziri Nikol Paşinyana qarşı qaldırdığı növbəti iddia məhkəmə tərəfindən rədd edilib.
Moderator.az xəbər verir ki, bu haqda “Armtimes” nəşri məlumat yayıb.
Məlumata görə, Köçəryan Paşinyanın onun şərəf və ləyaqətini ləkələyən məlumatlar yaydığını iddia edərək, bu fikirlərin təkzib olunmasını və təzminat ödənilməsini tələb edirdi. İş üzrə Nikol Paşinyanın müdafiəsini həyata keçirən “AM” hüquq firmasının yaydığı bəyanatda məhkəmə çəkişməsinin təfərrüatları açıqlanıb.
Paşinyanın ittihamı:
5 iyun 2025-ci ildə Ermənistan hökumətinin iclasında çıxış edən Nikol Paşinyan Robert Köçəryanı korrupsioner adlandırmışdı. Baş nazirin sitatı:
Paşinyan iclasda, "Məsələn, Robert Köçəryanın rüşvətxor olduğunu rəsmi olaraq qeyd etməmişik və bu, məhkəmə qərarı ilə qeydə alınıb, çünki həmin şəxs ona qarşı rüşvətxorluq işinə gedib "məhdudiyyət müddətini tətbiq edin'" deyib. Bu, o, rüşvətxor olduğunu etiraf etdikdə baş verir" ifadələrini işlətmişdi.
Məhkəmənin qərarı...
İrəvan Birinci İnstansiya Məhkəməsi 23 iyul 2026-cı il tarixli qərarı ilə Robert Köçəryanın iddiasını tamamilə rədd edib. Məhkəmə prosesində baş nazirin hüquqi müdafiəsini “AM” hüquq firmasının baş məsləhətçisi və vəkili Arman Nersisyan icra edib. Vəkil Ermənistan Kassasiya Məhkəməsinin və Avropa İnsan Hüquqları Məhkəməsinin presedentlərinə əsaslanaraq sübut edib ki, Paşinyanın səsləndirdiyi ifadələr təhqir deyil, real faktlara əsaslanan qiymətləndirmə hökmüdür.
Köçəryan cinayət məsuliyyətinə cəlb edilmə müddətinin bitməsi əsas gətirilərək cinayət təqibinə xitam verilməsini tələb edib ki, bu da hüquqi dildə bəraətverici əsas sayılmır.
Məhkəmə qeyd edib ki, cavabdehin işlətdiyi "rüşvət" ifadəsi iddiaçının cinayət işi çərçivəsindəki davranışından irəli gələn, faktiki əsası olan bir qiymətləndirmədir.
Məhkəmə Ermənistan Mülki Məcəlləsinin müvafiq maddəsində nəzərdə tutulan pozuntu əsaslarının mövcud olmadığına qərar verərək işi bağlayıb.“AM” hüquq firması bəyanatında hər bir işdə faktiki və hüquqi əsaslandırmalara əsaslanan effektiv müdafiə strategiyası ilə müştərilərinin maraqlarını qorumağa davam etdiklərini vurğulayıb.
