ABŞ Senatı Donald Trampın keçmiş şəxsi vəkili Todd Blanch-ı minimal səs üstünlüyü ilə (50 lehinə, 49 əleyhinə) baş prokuror və Ədliyyə Nazirliyinin rəhbəri vəzifəsinə təsdiqləyib.
Moderator.az xəbər verir ki, bu barədə 8 avqust şənbə günü "AFP" və "Reuters" məlumat yayıb.
Həlledici səsi Luiziana ştatından respublikaçı senator Bill Kassidi verib.
Blanch apreldən etibarən baş prokuror vəzifəsini icra edirdi. Onun təsdiqi mübahisələr doğurdu, hətta respublikaçılar arasında da tərəddüdlər vardı. Təzyiq altında Blanch bir sıra güzəştlərə getməli oldu: o, Tramp tərəfdarlarının 6 yanvar 2021-ci il Kapitoliyə hücumla bağlı məhkum edilmiş şəxslərə kompensasiya ödəmək üçün nəzərdə tutulan 1,8 milyard dollarlıq fondun yaradılmasından imtina etdi.
Bundan başqa, Blanch açıqladı ki, Trampın ABŞ Vergi Xidməti (IRS) ilə bağladığı razılaşma yalnız əvvəlki illərin təqdim olunmuş bəyannamələrinə aiddir və gələcəkdə göndəriləcək sənədlərə şamil olunmayacaq.
Apreldə Tramp ABŞ baş prokuroru Pamela (Pəm) Bondini vəzifədən uzaqlaşdırmışdı. Bondi Ceffri Epşteyn işi ilə bağlı istintaq və materialların dərc olunması məsələsində Tramp ilə fikir ayrılığına görə etimadı itirmişdi. CNN və The New York Times-ın məlumatına görə, Tramp həmçinin onun siyasi rəqiblərinə qarşı kifayət qədər sərt tədbirlər görməməsindən narazı idi.
