İngiltərənin Birmingem şəhərində atletika üzrə Avropa çempionatına start verilib.
Moderator.az xəbər verir ki, Azərbaycan millisinin üzvü Yekaterina Sariyeva üç təkanla tullanma növündə mübarizə aparıb. Atletimiz 13,91 metr nəticə göstərib.
Bu nəticə Sariyevaya final mərhələsinə yüksəlməyə imkan verməsə də, o, Azərbaycan rekordunu yeniləyib.
Qeyd edək ki, əvvəlki ölkə rekordu da Yekaterina Sariyevaya məxsus olub. Atletimiz 13,89 metr nəticə ilə rekorda sahib idi.
