Psixoloqlar münasibətlərdə adi görünən bəzi ifadələrin zamanla etimadı sarsıda biləcəyini bildirirlər.
Moderator.az xəbər verir ki, “Psychology Today” münasibətlərə zərər verə biləcək 4 ifadəni açıqlayıb:
“Hər şey yaxşıdır” – Əslində problem olduğu halda hissləri gizlətmək tərəfdaşı dəstək olmaq imkanından məhrum edir və narazılığın yığılmasına səbəb olur.
“Bunun elə də böyük əhəmiyyəti yoxdur” – Problemləri kiçiltmək onları həll etmir. Əksinə, yığılan inciklik zamanla münasibətlərə ciddi zərər vura bilər.
“O, mənim üçün dəyişəcək” – İnsan yalnız öz istəyi ilə dəyişə bilər. Partnyorun dəyişəcəyinə ümid etmək isə məyusluq və münaqişə ilə nəticələnə bilər.
“Bu barədə danışmağa ehtiyac yoxdur” – Problemlərdən qaçmaq onları aradan qaldırmır. Sükut zamanla tərəfdaşlar arasında emosional məsafəni artırır.
Mütəxəssislərin fikrincə, açıq və dürüst ünsiyyət sağlam münasibətlərin əsas şərtlərindən biridir.
