Misli Premyer Liqasında I turun daha bir oyunu keçirilib.
Moderator.az xəbər verir ki, günün ikinci matçında "Sabah" "Kəpəz"i qəbul edib.
"Bank Respublika Arena"da keçirilən qarşılaşma meydan sahiblərinin 2:0 hesablı qələbəsi ilə başa çatıb.
Masazır təmsilçisinin heyətində Coy-Lens Mikels 72-ci dəqiqədə penaltini dəqiq yerinə yetirib. 90+1-ci dəqiqədə isə Xander Severina "Sabah"ın ikinci qolunu vuraraq hesabı müəyyənləşdirib.
"Araz-Naxçıvan" və "İmişli" komandaları arasında keçirilən günün ilk oyununda isə qalib müəyyənləşməyib.
Xatırladaq ki, turun açılış oyununda "Turan Tovuz" "Qəbələ"ni 1:0 hesabı ilə məğlub edib.
İlk turun digər oyunları avqustun 16-17-də keçiriləcək.
