“İnter Mayami” MLS-in müntəzəm çempionatında səfərdə “Filadelfiya Yunion”la heç-heçə edib.
Moderator.az xəbər verir ki, qarşılaşma 2:2 hesabı ilə başa çatıb.
“İnter Mayami”nin qollarını 21-ci dəqiqədə Daniel Pinter və 26-cı dəqiqədə Lionel Messi vurublar. Luis Suares isə məhsuldar ötürmə ilə yadda qalıb.
Bu, Lionel Messinin atasının vəfatından sonra vurduğu ilk qol olub.
Meydan sahiblərinin heyətində İndiana Vassilev 11-ci, Nil Pyer isə 58-ci dəqiqədə fərqlənib.
Bu nəticədən sonra “İnter Mayami” 39 xalla Şərq Konfransında ikinci pillədə qalıb. “Filadelfiya Yunion” isə 20 xalla 13-cü sıradadır.
Qeyd edək ki, argentinalı ulduzun atası və uzun illər meneceri olan Xorxe Messi avqustun 8-də 68 yaşında Argentinanın Rosario şəhərində uzun sürən xəstəlikdən sonra vəfat edib.
