Ermənistanda məhkəmə keçmiş prezident Robert Koçaryanın həbs edilməsi barədə qərar çıxarıb.
Moderator.az-ın məlumatına görə, bu barədə respublikanın Antikorrupsiya Komitəsinin mətbuat xidməti xəbər verib.
Bundan əvvəl respublikanın Antikorrupsiya Komitəsi siyasətçinin və onun oğlunun İrəvanda saxlanıldığını bildirmişdi. Prokurorluğun məlumatına əsasən, keçmiş dövlət başçısına qarşı vəzifə səlahiyyətlərindən sui-istifadə, rüşvətalma və çirkli pulların yuyulması maddələri üzrə cinayət işi açılıb. İşin digər şübhəliləri arasında keçmiş prezident Serj Sarqsyan, Yerevanın sabiq meri Qaqik Beqlaryan, 2007-ci ildə vəfat etmiş keçmiş baş nazir Andranik Markaryan, eləcə də daha altı nəfər yer alır. Respublikanın Baş Prokurorluğu istintaqın Koçaryanın 2004-2009-cu illər arasındakı prezidentlik dövrünü əhatə etdiyini açıqlayıb.
