ABŞ və Almaniya Ukraynaya hərbi dəstək məqsədilə Münhen yaxınlığında 5000-dən çox uzaqmənzilli pilotsuz uçuş aparatının (PUA) seriyalı istehsalına başlayıb.
Moderator.az DPA agentliyinə istinadən xəbər verir ki, “Auterion” və “Airlogix” şirkətlərinin birgə layihəsi çərçivəsində ilk kamikadze döyüş dronları artıq istehsal olunub.
Almaniya hökumətinin sifarişinin 2027-ci ilin ortalarında tamamlanması planlaşdırılır. İddiaya görə, müqavilənin dəyəri təxminən 300 milyon avrodur. Dronlar Almaniyanın Ukraynaya yardımının bir hissəsi olaraq təchiz edilir.
