İranın xarici işlər naziri Abbas Əraqçının həyat yoldaşı Arzu Əhmədvəndin Xarici İşlər Nazirliyində keçirilən xeyriyyə sərgisində qızıl və zərgərlik məmulatlarına baxarkən görüntüləri yayılıb.
Moderator.az xəbər verir ki, bu barədə "Azad İran" "Telegram" kanalı məlumat yayıb.
Videoda Arzu Əhmədvəndin bir sıra qadın diplomatlarla birlikdə zərgərlik köşkünə baş çəkdiyi və alış-veriş etdiyi görünür. Söhbət Xarici İşlər Nazirliyinin Diplomatik Mərkəzinin keçirdiyi xeyriyyə sərgisindən gedir.
Görüntülərin İran rialının kəskin dəyər itirdiyi və bir ABŞ dollarının 220 min tümənə çatdığı dövrdə yayılması sosial mediada geniş reaksiyalara səbəb olub.
İstifadəçilər ölkədə inflyasiya və iqtisadi çətinliklərin dərinləşdiyini vurğulayaraq, diplomat xanımının qızıl alış-verişini tənqid ediblər. Bəzi paylaşımlarda isə hakimiyyət nümayəndələrinin həyat tərzi ilə iranlıların üzləşdiyi iqtisadi problemlər arasında ziddiyyətə diqqət çəkilib.
