"Rasim Balayevin həyatı, kinonu, sənəti sevməsi onun atdığı addımlardan, verdiyi qərarlardan bilinirdi. Çünki Nəsimi deyilən kimi bütün türk dünyasının gözü önünə məhz Rasim Balayev gəlir".
 




Bunu Əməkdar artist Dilarə Əliyeva Baku TV-yə Xalq artisti Rasim Balayevlə vida mərasimində onunla bağlı xatirələrindən danışarkən deyib.
 
O, Rasim Balayevin Azərbaycan kinosu üçün etdiklərinin çox qiymətli olduğunu vurğulayıb:
 
"Kaş Rasim müəllim ömrünün sonunadək ekran qarşısında olardı, filmlərə çəkilərdi. O, kino üçün yaranmışdı. Rasim Balayev Azərbaycan kinosu üçün bu dünyada bir insanın edə biləcəyindən daha artığını etdi".
 
Qeyd edək ki, Rasim Balayev İstanbulda yerləşən "Memorial" xəstəxanasında 77 yaşında dünyasını dəyişib.