"Azərbaycan və Ermənistan arasında delimitasiya və demarkasiya prosesi davam edərkən, hazırda Ermənistanın nəzarətində olan Kərki kəndinin taleyi də diqqət mərkəzindədir. Naxçıvan Muxtar Respublikasının Sədərək rayonuna aid olan bu eksklavın Azərbaycana qaytarılması məsələsi sərhədlərin müəyyənləşdirilməsi çərçivəsində mümkün müzakirə mövzularından biri kimi qiymətləndirilir".
Bu u fikirləri Mederator.az a açıqlamasında politoloq Aydın Tağıyev bildirib.
Politoloq qeyd edib ki, Kərki kəndi Azərbaycan-Ermənistan sərhədinin delimitasiyası və demarkasiyası prosesində ən həssas məsələlərdən biridir:
“Hazırda tərəflər sərhədin müəyyənləşdirilməsi istiqamətində xəritələrin uyğunlaşdırılması və sovet dövrünə aid inzibati sərhədlərin hüquqi əsaslarının təsdiqi üzərində işləyirlər. Bu baxımdan, Kərki kimi eksklavların statusu da delimitasiya çərçivəsində müzakirəyə çıxarıla bilər.
Kərki məsələsi yalnız geniş sülh gündəliyinin tərkib hissəsi kimi müzakirə oluna bilər. Çünki Ermənistan rəhbərliyi bu məsələnin ölkənin daxili ictimaiyyətinə izah edilməsində siyasi çətinliklərlə üzləşər.
Kərkinin Azərbaycana qaytarılması Bakı üçün strateji əhəmiyyət daşısa da, Ermənistan tərəfindən ciddi siyasi güzəşt kimi qəbul edilə bilər. Kəndin taleyi Qazax rayonunun işğal altında olmuş kəndləri ilə bağlı danışıqlar çərçivəsində də müzakirə olunar. Qazax kəndləri üzrə kompromis əldə ediləcəyi təqdirdə, Kərki məsələsinin də paralel şəkildə gündəmə gətirilməsi mümkündür.
Kərki kəndi məsələsi Azərbaycan–Ermənistan sərhədinin delimitasiya və demarkasiyası prosesində ən həssas və mürəkkəb mövzulardan biri olaraq qalmaqdadır. Bu eksklavın taleyi yalnız tərəflər arasında hüquqi müzakirələrin dərinləşməsi və sülh gündəliyinin genişlənməsi ilə konkret nəticəyə gətirilə bilər.
Qazax rayonunun işğal altında olmuş kəndləri üzrə kompromis əldə olunacağı halda, Kərki məsələsinin də paralel şəkildə gündəmə gətirilməsi ehtimalı daha da güclənir. Ermənistanın daxili siyasi sabitliyi, ictimai rəyin formalaşması və Qərbin vasitəçilik rolu bu prosesin gedişinə birbaşa təsir göstərəcək əsas amillərdən sayılır.
Azərbaycan üçün Kərkinin qaytarılması həm tarixi ədalətin bərpası, həm də Naxçıvanın təhlükəsizliyi baxımından strateji prioritet kimi ön plana çıxır. Buna görə də, yaxın perspektivdə kəndin dərhal qaytarılması real görünməsə də, hüquqi əsasların möhkəmləndirilməsi və məsələnin siyasi gündəliyə daxil edilməsi daha praktik və mümkün istiqamət hesab olunur".
Pərvin Şakirqızı
Moderator.az/ Redaktor
