“Hər il 18 sentyabrda - dahi Üzeyir Hacıbəyovun doğum günündə Milli Musiqi Gününü qeyd edirik, amma efirdə “xalq artist”ləri adlanan Aygün Kazımova, Röya, Məleykənin milli-mənəvi və dini həssaslıqlarla ziddiyyət təşkil edən səhnə və həyat obrazlarını “mədəniyyət” kimi parladırıq — xalq(!) artisti Alim Qasımov demişkən, musiqimizi yerin altına basdırmağa heç düşmən lazım deyil...”
 




-7 CÜMLƏDƏ 7 DƏRD...-
 
-Azərbaycanda əsəb xəstələrinin sayı 48 faiz artıb — görünür, səhiyyə sistemimiz insanları vaxtında müalicə etməyin ən radikal yolunu tapıb: vətəndaşı əvvəlcə növbə, dərman, həkim qəbulu və süründürməçiliklə əsəbdən xəstə etmək, sonra da yaranan xəstəliyi statistikada “müalicə etmək”.
 
-Bərdədə su böhranının həlli nəhayət tapıldı: rayonun Şatırlı bələdiyyəsinin 10 kəndinə su vermək əvəzinə 100-dən çox artezidan quyusunun elektrikini sökdülər ki, heç olmasa su problemi yox, birbaşa suyun özü olmasın...
 
-Son onilliklərdə korrupsiyaya qarşı görünən mübarizə çərçivəsində neçəsi tutulsa da, yüz milyonlarla əmlakları üzə çıxsa da, icra başçıları deyirlər ki, siz nə çalırsız çalın- onsuz da biz heyvagülü oynayacağıq, yəni aldığımızı alacağıq...
 
-İşsizlərimizin sayı bir ildə 4,5 faiz artaraq 247,7 minə çatıb — görünür, ölkədə iş axtaranların sayı iş yerlərindən daha sürətlə artır və statistika da bunu “məşğulluq strategiyasının növbəti uğuru” kimi qeyd etməyə hazırlaşır...
 
-Hər il 18 sentyabrda - dahi Üzeyir Hacıbəyovun doğum günündə Milli Musiqi Gününü qeyd edirik, amma efirdə “xalq artist”ləri adlanan Aygün Kazımova, Röya, Məleykənin milli-mənəvi və dini həssaslıqlarla ziddiyyət təşkil edən səhnə və həyat obrazlarını “mədəniyyət” kimi parladırıq — xalq(!) artisti Alim Qasımov demişkən, musiqimizi yerin altına basdırmağa heç düşmən lazım deyil...
 
-Tramp “CNN”, “MS NOW” və “Politico”-nu Ağ Evdən qovdu —başqa sözlə hökuməti hələlik(!) Ağ Evin içindən tənqid etməyə qadağa qoyuldu...
 
-Manatın dollara qarşı məzənnəsi dəyişmədi - heç xalqın həyat səviyyəsi, rifahı, ərzaq qiymətlərinin bahalığı, maaş və pensiyalar da dəyişmədi.. 
 
Sultan Laçın