Səhər yeməyində düzgün qidaların seçilməsi ürək-damar sağlamlığı üçün əhəmiyyətli ola bilər. Qida dəyəri baxımından diqqətçəkən məhsullardan biri də darıdır.
Moderator.az xəbər verir ki, darı yavaş həzm olunan karbohidratlar, lif, antioksidantlar və B qrup vitaminləri ilə zəngindir. Bu xüsusiyyətləri onun uzun müddət toxluq hissinin qorunmasına və qan şəkərinin daha sabit qalmasına kömək edə biləcəyini göstərir.
Darı həmçinin maqnezium mənbəyidir. Bu mineral normal qan təzyiqinin qorunmasında və ürək-damar sisteminin fəaliyyətində mühüm rol oynayır. Darının tərkibindəki lif isə xolesterinin idarə olunmasına və ürək sağlamlığının dəstəklənməsinə kömək edə bilər.
Bundan əlavə, darı həzm sistemi üçün faydalı olan liflə zəngindir. Bu səbəbdən bağırsaqların normal fəaliyyətinin qorunmasına və uzun müddət toxluq hissinə kömək edə bilər.
Darı sıyığını səhər yeməyində su və ya südlə hazırlamaq mümkündür. Ona meyvə, qoz-fındıq və ya az miqdarda bal əlavə etməklə qida dəyərini artırmaq olar. Darını tərəvəzlərlə birlikdə garnir kimi də istifadə etmək mümkündür.
Qeyd etmək lazımdır ki, heç bir qida təkbaşına insultun qarşısını almır. Ürək-damar sağlamlığı üçün ümumi qidalanma, fiziki aktivlik, qan təzyiqinin və xolesterinin nəzarətdə saxlanması da mühüm əhəmiyyət daşıyır.
