Qrenlandiyanın Baş naziri Yens-Frederik Nilsen ABŞ rənglərindəki adanın xəritəsinə sərt reaksiya verib.
Moderator.az xəbər verir ki, bu barədə Nilsen “Facebook”da açıqlama verib.
O bildirib ki, Ağ Evin aparat rəhbərinin müavini Stiven Millerin həyat yoldaşı Keti Millerin X-də paylaşdığı Qrenlandiyanın Amerika bayrağının rənglərinə boyanmış xəritəsi hörmətsizlikdir.
Miller paylaşımında “tezliklə” ifadəsini də əlavə etmişdi. Baş nazir vurğulayıb ki, bu şəkil panikaya səbəb olmamalıdır:
“Keti Millerin paylaşdığı Qrenlandiyanın Amerika bayrağına bükülmüş şəkli heç nəyi dəyişmir. Ölkəmiz satış üçün deyil və gələcəyimiz sosial media paylaşımları ilə müəyyən edilmir”.
(Globalinfo)
