UEFA Çempionlar Liqası: “Sabah” Bakıda “Borussiya”ya məğlub oldu - YENİLƏNİB

"Sabah" UEFA Çempionlar Liqasının əsas mərhələsinin III turunun oyununda "Borussiya"ya (Dortmund, Almaniya) məğlub olub.

Moderator.az-ın məlumatına görə, Bakı Olimpiya Stadionunda keçirilən matçda qonaqlar 2:1 hesablı qələbəyə seviniblər.

Bundesliqa təmsilçisinin heyətində Seru Qirassi (10, 53) dubl müəllifi olub. Azərbaycan çempionunun yeganə qolu isə Eyden Makkartinin (39) adına yazılıb.

Qeyd edək ki, Valdas Dambrauskasın rəhbərlik etdiyi kollektiv qitənin ən nüfuzlu klub turnirindəki növbəti görüşünü noyabrın 4-də, səfərdə Norveçin "Vikinq" klubuna qarşı keçirəcək.

21:55

"Sabah" və "Borussiya" (Dortmund, Almaniya) komandaları arasında UEFA Çempionlar Liqasının əsas mərhələsinin III turunun növbəti qol vurulub.

Moderator.az-ın məlumatına görə, Bakı Olimpiya Stadionunda keçirilən matçda qonaqlar yenidən hesabda irəli çıxıblar - 2:1.

53-cü dəqiqədə Seru Qirassi dublunu rəsmiləşdirib.

21:47

"Sabah" və "Borussiya" (Dortmund, Almaniya) komandaları arasında UEFA Çempionlar Liqasının əsas mərhələsinin III turunun oyununda ikinci hissə başlayıb.

Moderator.az-ın məlumatına görə, Bakı Olimpiya Stadionunda keçirilən matçda 1:1 hesablı heç-heçə davam edir.

Qarşılaşmanı ispaniyalı FIFA referisi Xavyer Alberola Roxas idarə edir.

21:31

"Sabah" və "Borussiya" (Dortmund, Almaniya) komandaları arasında UEFA Çempionlar Liqasının əsas mərhələsinin III turunun oyununda ilk hissə başa çatıb.

Moderator.az-ın məlumatına görə, Bakı Olimpiya Stadionunda keçirilən matçda tərəflər fasiləyə 1:1 hesablı heç-heçə ilə yollanıblar.

Qarşılaşmanı ispaniyalı FIFA referisi Xavyer Alberola Roxas idarə edir.

21:25

"Sabah" və "Borussiya" (Dortmund, Almaniya) komandaları arasında UEFA Çempionlar Liqasının əsas mərhələsinin III turunun oyununda ikinci qol vurulub.

Moderator.az-ın məlumatına görə, Bakı Olimpiya Stadionunda keçirilən matçda Azərbaycan çempionu hesabı bərabərləşdirib - 1:1.

39-cu dəqiqədə Eyden Makkarti adını tabloya yazdırıb.

20:57

"Sabah" və "Borussiya" (Dortmund, Almaniya) komandaları arasında UEFA Çempionlar Liqasının əsas mərhələsinin III turunun oyununda ilk qol vuurlub.

Moderator.az-ın məlumatına görə, Bakı Olimpiya Stadionunda keçirilən matçda qonaq komanda hesabda irəli çıxıb - 1:0.

10-cu dəqiqədə Seru Qirassi fərqlənib.

20:45

"Sabah" və "Borussiya" (Dortmund, Almaniya) komandaları arasında UEFA Çempionlar Liqasının əsas mərhələsinin III turunun oyunu başlayıb.

Moderator.az-ın məlumatına görə, matç Bakı Olimpiya Stadionunda keçirilir.

Qarşılaşmanı ispaniyalı FIFA referisi Xavyer Alberola Roxas idarə edir.

UEFA Çempionlar Liqasının Liqa mərhələsinin III turunda qarşılaşacaq "Sabah" " və "Borussiya Dortmund" komandalarının start heyətləri açıqlanıb.

Moderator.az xəbər verir ki, komandalar meydana aşağıdakı heyətlərlə çıxacaqlar.

"Sabah": Stas Pokatilov (k), Stiv Solvet, Eyden Makkarti, Timoteuş Puxaç, Akim Zedadka, İvan Lepinitsa, Umarali Raxmonaliyev, Du Keyros, Velko Simiç, Coy-Lens Mikels, Kahim Parris.

"Borussiya": Qreqor Kobel (q), Valdemar Anton, Niko Şlotterbek (k), Rami Bensebayni, Feliks Nmeça, Seru Qirassi, Karni Çukvuemeka, Fabio Silva, Daniel Svensson, Coui Verman, Yulian Ryuerson.

Qeyd edək ki, "Sabah" - "Borussiya" görüşü bu gün, saat 20:45-də Bakı Olimpiya Stadionunda start götürəcək.