Prezident İlham Əliyev yerli televiziya kanallarına verdiyi müsahibədə ölkəmizdə tikiləcək 10 yeni metro stansiyanın yerləşəcəyi yerlərin müəyyənləşdiyini bildirib.
Bu 10 yeni metro stansiyasının ilkin olaraq təsdiqlənmiş yerləşmə yerləri məlum olub.
Xüsusilə, 6 yeni stansiyanın “Bənövşəyi xətt” üzərində inşa edilməsi nəzərdə tutulur.
Bu il isə Bakı Metropoliteninin vədinə görə, şərti olaraq “B-4” adlandırılan metro stansiyasının açılması planlaşdırılır.
Ardınca “B-6 B” metro stansiyası inşa olunacaq 28 May və Kövkəb xanım Səfəralıyeva küçələrinin kəsişməsində, keçmiş “Çernoqorod körpüsü”nün yaxınlığında.
Daha sonra — “Xətai-2” (“B-7”) metro stansiyası.
Sonuncu stansiya isə “Ağ şəhər” ərazisində, Babək prospektinin yaxınlığında yerləşəcək “B-8” metro stansiyası olacaq.
Həmçinin “Yaşıl xətt”in davamında “Həzi Aslanov-2” (“Y-17”) metro stansiyası inşa ediləcək. Stansiya hazırda mövcud olan eyniadlı metro stansiyasının yaxınlığında yerləşəcək.
“Nərgiz” kafesinin yaxınlığında — “Y-16” stansiyası (kafedən bir qədər yuxarıda, keçmiş tennis kortunun qarşı tərəfində) yerləşəcək.
Sonuncu stansiya isə “Xətai-2” olacaq.
Bundan əlavə, Bakının Binəqədi rayonunda, eyniadlı metro stansiyasının yaxınlığında “Dərnəgül” adlı yeni depo inşa edilir.
“İçərişəhər” metro stansiyasından sonra isə dönmə (geri dönüş) kamerası inşa olunacaq.
