Moderator.az Axşam.az-a istinadla "İftar menyusu"nu təqdim edir:
Lobyalı toyuq supu
Ərzaqlar:
Toyuq filesi - 300-350 qr
Konservləşdirilmiş lobya (evdə qaynadılmış da ola bilər) - 200 qr
Öz şirəsində pomidor - 400 qr
Bolqar bibəri - 1 ədəd
Yerkökü - 1 ədəd
Soğan - 1 ədəd
Yaşıl soğan - 2-4 budaq
Sarımsaq - 2 diş
Bitki və ya kərə yağı - 2 xörək qaşığı
Şəkər - 1 çay qaşığı
Duz - zövqə görə
Üyüdülmüş qara bibər - 1 çimdik
Üyüdülmüş qırmızı bibər - 1 çimdik
Üyüdülmüş paprika - 1 çimdik
Dəfnə yarpağı - 2-3 ədəd
Hazırlanması:
Toyuq filesini yuyun və kiçik tikələrə bölün. Yağı qazanda və ya qalın dibli bir tavada qızdırın, toyuq filesini yüksək odda təxminən 5-7 dəqiqə qızardın. Tərəvəzləri yuyub xırda doğrayın. Soğanı da xırdalayın. Soğan və yerkökünü toyuğa əlavə edin və daha 2-3 dəqiqə qızardın. Sarımsağı, bolqar bibərini doğrayıb əlavə edin. Pomidorları soyun blenderə qoyun və püre halına salın.Doğranmış pomidorları və bütün ədviyyatları (duz istisna olmaqla) tavaya əlavə edin. 2 dəqiqə bişirin. Yaşıl soğanı doğrayın. Yumşaq lobya və doğranmış yaşıl soğanı tavaya əlavə edin, qarışdırın, bişirin. Şorbanın qatılığını tənzimləyərək qaynar su tökün. Duz və dəfnə yarpağı əlavə edin. Qarışdırın və qapaq altında vam odda daha 10-12 dəqiqə bişirin.
Fransızsayağı ət
Ərzaqlar:
Dana əti - 500 qr
Kartof - 500 qr
Holland pendiri - 150 qr
Orta pomidor - 3-4 ədəd
Soğan - 2 ədəd
Mayonez - 100-200 qr (zövqə görə)
Sarımsaq - 2-3 diş
Günəbaxan və ya zeytun yağı - zövqə görə
Duz - zövqə görə
İstiot - zövqə görə
Ədviyyatlar - zövqə görə
Göyərti - zövqə görə
Hazırlanması:
Əti xırda doğrayın, duz və istiot əlavə edib qarışdırın. Sous üçün mayonezi əzilmiş sarımsaq və doğranmış göyərti ilə qarışdırın, istəyə görə istiot əlavə edin. Kartof və pomidoru nazik doğrayıb, soğanı isə halqa və ya yarımhalqa şəklində edin. Kartoflara yağ, duz, istiotla səpin və dadına görə ədviyyat əlavə edin. Bişirmə qabını yağlayın. Qaba bir qat kartof qoyun, amma geniş qabınız varsa, bütün kartofları əlavə edə bilərsiniz və yalnız bir qat qalacaq. Kartofların üstünə sous tökün. Doğranmış soğanın yarısını üzərinə yayın. Sonra, döyülmüş əti əlavə edin və daha çox sous çəkin. Qalan kartofun bərabər bir təbəqəsini üstünə qoyun və sous vurun. Qalan soğan və pomidorları əlavə edin. Doğranmış göyərtiləri səpin. Yeməyi sobada 200-210 dərəcə temperaturda təxminən 30-40 dəqiqə bişirin. Pendiri sürtgəcdən keçirin, üzərinə yayın və daha 10-15 dəqiqə bişirin.
Kəsmikli peçenyə
Ərzaqlar:
3 ədəd yumurta
1 stəkan şəkər tozu
200 qram kəsmik
200 qram yağ
1 paçka, vanilin, 1 paçka qabartma tozu
Un yumşaq xəmir olana qədər
Hazırlanması:
Yumurta və şəkər tozunu mikserlə qarışdırın. Üzərinə kəsmiyi və otaq temperaturunda yumşaldılmış yağı əlavə edin, yenidən qarışdırın. Sonda un, qabartma tozu və vanilini töküb yumşaq, ələ yapışan xəmir edin. Xəmirdən balaca formada götürün əlinizdə yastıladıb, üstünü şəkər tozuna batırıb soba tavasına düzün. Əvvəlcədən isitilmiş sobada bişirin. Çalışın üzəri çox qızarmasın.
