İranın ali lideri Müctəba Xamenei ABŞ ilə iki həftəlik atəşkəs barədə razılığa gəldikdən sonra bütün hərbi hissələrinə atəşi dayandırmağı tapşırıb. Lakin eyni zamanda Tehran bunun müharibənin sonu olmadığını açıq şəkildə bildirib.
 




Moderator.az bu haqda "NDTV" kanalına istinadla xəbər verir.
 
İran İslam Respublikasının dövlət televiziyasında ("IRIB") oxunan bəyanatda Xamenei deyib: "Bu, müharibənin sonu deyil, lakin bütün hərbi qollar Ali Liderin əmrinə tabe olmalı və atəşi dayandırmalıdır".

İranın "Əllərimiz tətik üzərindədir" xəbərdarlığı...


İran atəşkəsin müharibənin bitməsi demək olmadığını və düşmən - ABŞ və ya İsrail - hər hansı bir şəkildə hərəkət edəcəyi təqdirdə əllərinin tətiyə taxıldığını açıq şəkildə bildirib.


Atəşkəs elanından sonra yayımlanan açıqlamada İranın Ali Milli Təhlükəsizlik Şurası bildirib: "Vurğulanır ki, bu, müharibənin bitməsi demək deyil... Əllərimiz tətiyin üzərindədir və düşmən tərəfindən ən kiçik bir səhv edilərsə, tam güclə cavab veriləcək..."


S.Laçın